Paghambae it Kamatuoran — raya ro ginpakita it isaeang ka tricycle driver it ASU-TODA matapos i-uli ro naduea nga pocket wifi it isaeang ka estudyante sa Aklan State University, Banga Campus.
Ro driver nga si Jonar Requiola hay 42 anyos, ag nagatrabaho bilang isaeang ka-tricycle driver sa Aklan State University (ASU) sa sueod it 11 nga dag-on.
Hapon it Marso 13, nagsakay ro nadueaan nga isaeang ka-VetMed student sa ASU paguwa sa campus. Pagpanaog it estudyante hay uwa hapan-ohan nga nawigit ro anang pocket wifi sa tricycle ni Jonar.
“Hindi ko nakita na pumailalim din pala at lumusot palikod yung pocket wifi, buti nalang nakita ng kasama ko,” hambae na kara.
Gin-balikan ag gin-usoy it estudyante ro tricycle ni Jonar para kutan-on kun hakita na kara ro pocket wifi, masadya nga inuli ni Jonar ro naduea nga gamit it estudyante.
“Kami talaga dito, sinasauli talaga namin ‘yang mga naiiwan na gamit ng mga estudyante, o kaya ay sa OSA namin binibigay,” dugang na kara.
Mensahe man ni Jonar sa mga estudyante hay usuyon eang kuno ag tandaan ro number it mga driver sa ASU-TODA, ag indi magpabangod nga bue-on it drivers do naduea nga gamit dahil sanda hay nakaagi it seminar parte kara.
Si Jonar hay nag-umpisa magtrabaho bilang tricycle driver sa ASU, ko 2008.
Isaeang ka-ehemplo si Jonar bukon eang sa mga kapwa na nga tricycle driver, kundi maging sa tanan, nga perming pilion ro paghambae it kamatuoran ag gamiton ro bueawan nga tagipusuon.
Comments